Укрінформ-ის ინფორმაციით, უკრაინელებმა ოკუპირებულ დონეცკში ФСБ-ის სამეთაურო პუნქტი გაანადგურეს – ლიკვიდირებულია 12 ოფიცერი.
მათივე ცნობით, UMD შტაბი, რომელიც უკრაინულმა დრონებმა გაანადგურეს, კონტრდაზვერვის სამსახურის შემადგენლობაში არსებული ოპერატიული სპეცქვედანაყოფია. უკრაინული მედიის ინფორმაციით, ის ფუნქციონირებს როგორც სპეცრაზმი, რომელიც ასრულებს ცალკეულ საომარ ოპერაციებსა და დავალებებს.
“UMD ახორციელებს კონტრდაზვერვით საქმიანობას, დივერსიებს, სამხედრო სპეცოპერაციებს, ქმნის აგენტურულ ქსელებს, ეძებს და აკავებს არალოიალურ მოქალაქეებს, ახდენს ოპონენტების ფიზიკურ ლიკვიდაციას და კოორდინაციას უწევს პრორუს ბოევიკებს. უკრაინის ტერიტორიაზე ისინი ეწევიან გადაბირების სამუშაოებს, ხოლო მათი აგენტურული ქსელი აწყობს ტერაქტებს, დივერსიებსა და ხანძრებს”,_ წერს Укрінформ
ოპერაცია დაგეგმეს უპილოტო სისტემების ძალების ღრმა დარტყმების ცენტრის სპეციალისტებმა, უკრაინის ეროვნული გვარდიის პირველი კორპუსის „აზოვის“ სპეციალისტებთან ერთად. დარტყმები განხორციელდა პირველი საოპერაციო ცენტრის MiddleStrike “ჩიტების” საშუალებებით, უპილოტო სისტემების ძალების ახლადშექმნილი ღრმა დარტყმების ცენტრის კოორდინაციით.
