უკრაინაში რუსეთის მიერ მხარდაჭერილი სეპარატისტების მიერ ტყვედ აყვანილი ბრიტანელი ჰუმანიტარული დახმარების მუშაკი, პოლი ურეი გარდაიცვალა. გაერთიანებული სამეფოს მოქალაქე 25 აპრილს ქალაქ ზაპოროჟიეს მახლობლად დააკავეს და დონეცკის ე.წ სახალხო რესპუბლიკაში ბრალი „დაქირავებულ საქმიანობაში“ წაუყენეს.
დონეცკის ე.წ. სახალხო რესპუბლიკის მიერ გავრცელებული ინფორმაციით, პოლი ურეი „ავადმყოფობისა და სტრესის” შედეგად 10 ივლისს გარდაიცვალა.
45 წლის ურეის გარდაცვალებასთან დაკავშირებით, დიდი ბრიტანეთის მთავრობა რუსეთის მთავრობისგან სასწრაფოდ ახსნა-განმარტებას ითხოვს.
