უკრაინის ცენტრალურმა საარჩევნო კომისიამ მიმდინარე წლის 31 დეკემბრიდან ქვეყნის ხელმძღვანელის პოსტზე კამპანიის დაწყება გამოაცხადა – შესაბამისი დადგენილება 27 დეკემბერს გამოქვეყნდა – “დოიჩე ველე” წერს. კამპანია 90 დღე, 2019 წლის 31 მარტამდე გაგრძელდება, ამავე დღეს ჩატარდება არჩევნები. აგიტაცია 29 მარტს დასრულდება.
კანდიდატების ოფიციალური წამოყენება და დოკუმენტების მიღება 3 თებერვალს სრულდება. 8 თებერვალს კანდიდატების რეგისტრაცია მორჩება. არჩევნების საბოლოო შედეგები 10 აპრილს გამოცხადდება.
