უკრაინაში სააღდგომო ზავის რეჟიმი ამოქმედდა. სააღდგომო ზავის ამოქმედების შესახებ აცხადებენ რუსეთშიც.
უკრაინის შეიარაღებული ძალების გენერალური შტაბის ცნობით, თავდაცვის ძალებმა მიიღეს დავალება, იმოქმედონ სარკისებური პასუხის პრინციპით: სიჩუმე — სიჩუმის საპასუხოდ, შეტევა — შეტევის საპასუხოდ.
სამხედროებს ასევე დაევალათ, დაუყოვნებლივ მოახდინონ რეაგირება ნებისმიერ პროვოკაციაზე. ცეცხლის შეწყვეტა შეთანხმების მიხედვით ხვალ, 12 აპრილის დღის ბოლომდე გასტანს.
