უკრაინაში, კერძოდ, დნეპროპეტროვსკის ოლქში რუსულმა ძალებმა ავტობუსს დაარტყეს, რომელსაც 40-მდე ბავშვი გადაჰყავდა – არიან დაშავებულები.
ადმინისტრაციის ხელმძღვანელის, ალექსანდრ განჟას ინფორმაციით, ბავშვებმა ავტობუსიდან გადმოსვლა მოასწრეს და ამჟამად მათთან ფსიქოლოგები მუშაობენ. დაზიანებები მიიღო და საავადმყოფოში გადაიყვანეს 10 წლის ბიჭი. დაშავებულია 5 ზრდასრულიც, მათგან ერთი მძიმედ.
რეგიონული ადმინისტრაციის ხელმძღვანელმა არ დააკონკრეტა დაშავებულების ადგილსამყოფელი, ან იყვნენ თუ არა ისინიც ავტობუსის მგზავრები.
