უკრაინაში, რუსი ოკუპანტების წინააღმდეგ ბრძოლისას კიდევ ერთი ქართველი ჯარისკაცი, კახა გოგოლი დაიღუპა.
კახა გოგოლი ლუგანსკის ოლქში იბრძოდა. ის 10 ივლისს გამთენიისას ოკუპანტების საჰაერო თავდასხმას ემსხვერპლა. ადგილზე დაშავდნენ უკრაინელი ჯარისკაცებიც.
კახა გოგოლის ცხედარი ცოტა ხნის წინ კიევში გადაასვენეს. ქართველ გმირს სამშობლოში უახლოეს დღეებში ჩამოასვენებენ.