უკრაინაში ჯო ბაიდენის ვიზიტი იქნებოდა ძლიერი სიგნალი, რომ აშშ-ს რეალურად სჯერა გამარჯვების და არ ეშინია რუსეთის – ზელენსკი

უკრაინაში აშშ-ის პრეზიდენტის, ჯო ბაიდენის ვიზიტი იქნებოდა ძლიერი სიგნალი, რომ აშშ-ს რეალურად სჯერა გამარჯვების და არ ეშინია რუსეთის, – ამის შესახებ უკრაინის პრეზიდენტმა, ვოლოდიმირ ზელენსკიმ, „სიენენთან“ ინტერვიუში განაცხადა.

„მიუხედავად იმისა, რომ რაკეტები მოფრინავენ, ლიდერები ჩამოდიან. პუტინის არ ეშინიათ, რადგან ეს არის ერთი სახელმწიფოს ლიდერი, მსოფლიო კი გაცილებით დიდია“, – თქვა ზელენსკიმ.

უკრაინის პრეზიდენტის განცხადებით, უკრაინას არ სურს, დაუთმოს თავისი მიწა რუსეთს და მტკიცედ დგას, რომ უკრაინის ტერიტორიის დათმობა არ იქნება რაიმე სახის დიპლომატიური მოლაპარაკების ნაწილი ომის დასასრულებლად.

ზელენსკის თქმით, ნატო-ს გარდა, კიევი უსაფრთხოების სხვა გარანტიებს ვერ ხედავს.

უკრაინის მიმართ ნატო-ს პოზიციას ვოლოდიმირ ზელენსკიმ ისტორიული შეცდომა უწოდა და თქვა, რომ ადრე არსებული მოსაზრებით, თუ უკრაინა ნატო-ში იქნებოდა, რუსეთი თავს დაესხმებოდა.

„ჩვენ არ ვართ ნატო-ში. რუსეთი თავს დაგვესხა“, – თქვა ზელენსკიმ.

უკრაინის პრეზიდენტმა აღნიშნა, რომ აშშ უკრაინას დიდ დახმარებას უწევს, თუმცა ეს გამარჯვებისთვის საჭირო არ არის.

„აშშ-ს აქვს გარკვეული გავლენა ევროპის ქვეყნების გადაწყვეტილებაზე. ეს ასევე დახმარებაა. ევროპის ზოგიერთ სახელმწიფოს სურდა, დაბალანსებული ყოფილიყო და ყოფილიყო „წვიმის წვეთებს შორის“, მაგრამ აშშ-ის დახმარების წყალობით, მათ დაიწყეს ჩვენი მხარდაჭერა“, – თქვა ზელენსკიმ.

წინა სტატიაშიოპოზიციის ერთ-ერთი მთავარი მესიჯია დეოლიგარქიზაცია, თუმცა პოლიტიკაში ოლიგარქები არიან მხოლოდ ოპოზიციის მხარეს – კობახიძე
შემდეგი სტატიაკარლ ნეჰამერი- ჩვენ დავინახეთ და პოზიტიურად შევაფასეთ ის ნაბიჯები, რა ნაბიჯებიც გადაიდგა საქართველოში, საქართველოს ევროკავშირში გაწევრიანების პროცესი ძალიან მნიშვნელოვანია