უკრაინაში იარაღის გაგზავნის წინააღმდეგ გერმანიაში საპროტესტო აქცია გაიმართა, – ამის შესახებ საერთაშორისო მედია წერს.
მედიის ინფორმაციით, ქალაქ დიუსელდორფში აქციაზე ასობით ადამიანი გამოვიდა. დემონსტრანტებმა გააკრიტიკეს ნატო და აღნიშნეს, რომ ალიანსი ძირს უთხრის მშვიდობას და აქეზებს ომს.
აქციის მონაწილეებს ეჭირათ ბანერები წარწერით – „არა მშვიდობა ნატო-სთან“, „ჩვენ გვინდა მშვიდობა“ და „შეაჩერე ეკონომიკური ომი რუსეთის წინააღმდეგ“.
დემონსტრანტებმა განაცხადეს, რომ რუსეთ-უკრაინის კონფლიქტი რთული მიზეზების გამო დაიწყო, დასავლეთის ქვეყნები კი აძლიერებენ დაძაბულობას უკრაინას სამხედრო დახმარების გაწევით.
