უკრაინაში დღეს 9 ჰუმანიტარული დერეფნის გახსნაა შეთანხმებული. ამის შესახებ ინფორმაციას ვიცე-პრემიერი ირინა ვერეშუკი ავრცელებს.
მისივე განმარტებით, დღეს კვლავ იქნება მცდელობა ალყაში მოქცეული მარიუპოლის მიმართულებით საევაკუაციო დერეფნის შესაქმნელად, რომელიც ომის პირველივე დღეებიდან მძლავრი თავდასხმის სამიზნეა რუსული სამხედროების მხრიდან.
ვიცე-პრემიერის თქმით, საპორტო ქალაქის დატოვება კერძო მანქანებსაც შეეძლებათ.
ჰუმანიტარული დერეფნები ასევე გაიხსნება ბერდიანსკიდან, ტოკმაკიდან, ენერჰოდარიდან და სევეროდონეცკიდან.