ამერიკის შეერთებული შტატებიდან უკრაინაში უფრო მძიმე იარაღი იგზავნება, – ამის შესახებ უკრაინის საგარეო საქმეთა მინისტრმა დმიტრო კულებამ განაცხადა.
„ველაპარაკე აშშ-ის სახელმწიფო მდივანს ენტონი ბლინკენს, მადლობა გადავუხადე უკრაინის ურყევი მხარდაჭერისთვის. მეტი იარაღი, მათ შორის მძიმე, მოემართება უკრაინაში, რადგან რუსეთი აგრძელებს დამანგრეველ შეტევებს დონბასში“, – აღნიშნავს კულება.
მისი თქმით, საუბრისას, ასევე, განიხილეს უკრაინის ექსპორტის განბლოკვისა და გლობალური სურსათის უსაფრთხოების უზრუნველყოფის გზები.