რუსეთის მიერ უკრაინაში შეჭრის შემდეგ 1 900-ზე მეტი მშვიდობიანი მოქალაქე მოკლეს – ამის შესახებ BBC გაეროს ოფიციალურ მონაცემებზე დაყრდნობით წერს.
“24 თებერვლიდან 14 აპრილამდე დაღუპული 1 982 მშვიდობიანი მოქალაქიდან 162 ბავშვი იყო”, – აცხადებენ გაეროს ადამიანის უფლებათა უმაღლესი კომისრის ოფისში.
დაშავდა 2651 მშვიდობიანი მოქალაქე, მათგან 256 ბავშვი.
უწყების ცნობით, უმეტესობა დაბომბვისა და საჰაერო თავდასხმების დროს გარდაიცვალა და დაშავდა.
