უკრაინას აღსადგენად 500-დან 600 მილიარდ ევრომდე დასჭირდება – ევროკომისია

რუსეთის ომის შედეგად განადგურებული ინფრასტრუქტურის აღსადგენად უკრაინას 500-დან 600 მილიარდ ევრომდე დასჭირდება. ამის შესახებ ევროკომისიის ვიცე-პრეზიდენტმა ვალდის დომბროვსკისმა განაცხადა.

დომბროვსკის თქმით, რეკონსტრუქციის მცდელობები „საერთაშორისო თანამეგობრობის კოორდინაციას მოითხოვს და ჩვენ მზად ვართ განვახორციელოთ ეს კოორდინაცია“.

მან, ასევე, დასძინა, რომ ევროკავშირი „უზრუნველყოფს დიდ და ძალიან მნიშვნელოვან მხარდაჭერას უკრაინის აღსადგენად“.

ევროკავშირი მუშაობს უკრაინისთვის სოლიდარობის ნდობის ფონდის შექმნაზე. ეს არის პირველი შემთხვევა, როდესაც ევროკავშირის ოფიციალური პირი აფასებს რეკონსტრუქციის მასშტაბებს. თუმცა, ეს მაჩვენებელი სავარაუდოდ გაიზრდება ომის გაგრძელებისას.

ევროკავშირის ოფიციალური პირები მოუწოდებენ ბრიუსელს, უკრაინას უხელმძღვანელოს „მარშალის გეგმის“ მსგავსი დახმარების გაწევაში საომარი მოქმედებების შეწყვეტის შემდეგ, როგორც უკრაინის ევროკავშირში გაწევრიანების მცდელობის ნაწილი.

წინა სტატიაშისაქართველოსა და კვიპროსის საგარეო საქმეთა მინისტრებმა ხაზი გაუსვეს საქართველოს წარმატებულ სვლას ევროპული ინტეგრაციის გზაზე
შემდეგი სტატიაეკა ხერხეულიძე აცხადებს, რომ მიხეილ სააკაშვილი კლინიკაში თავმდგომად დედის შესვლას ითხოვს