უკრაინამ სპეცდანიშნულების ძალების მებრძოლთა დაღუპვა დაადასტურა

უკრაინის არმიის სპეციალური დანიშნულების ძალების სარდლობამ დაადასტურა, რომ რუსეთის საოკუპაციო ძალებთან შეტაკებისას დაიღუპნენ სპეცოპერაციების 73-ე საზღვაო ცენტრის მებრძოლები.

დღეს, 29 თებერვალს, სპეცდანიშნულების ძალების ტელეგრამ-არხზე გამოქვეყნდა ოფიციალური ინფორმაცია, რომლის თანახმად, მეომრები დაიღუპნენ სპეციალური დავალების შესრულების შემდეგ ჯგუფის ძირითადი ძალების უკან გასვლის უზრუნველყოფისას. რამდენი მებრძოლი დაიღუპა და სად, დაკონკრეტებული არ არის.

მანამდე რუსული წყაროებით გავრცელდა ცნობები, რომ რუსმა სამხედროებმა უკრაინელი სპეცრაზმელები „გაანადგურეს“ ხერსონის ოლქში, ტენდროვსკის ისარაზე (ვიწრო ნახევარკუნძული) გადასვლის მცდელობისას. ამ ცნობების თანახმად, სავარაუდოდ, დაღუპულია 15 უკრაინელი მებრძოლი. უკრაინის ხერსონის ოლქის ეს ნაწილი რუსეთის მიერაა ოკუპირებული.

banner
წინა სტატიაშილაზარე გრიგორიადისის დასკვნითი სასამართლო პროცესი 28 მარტს ჩაინიშნა
შემდეგი სტატიასაქსტატი – იანვარში საქართველოს ეკონომიკა 5.8%-ით გაიზარდა