უკრაინამ სევასტოპოლში 100 მილიონ დოლარად შეფასებულ რუსულ რადიოლოკაციურ სადგურს დაარტყა, რომელიც თვითმფრინავებსა და რაკეტებს აფიქსირებს.
ინფორმაციას უკრაინული მედია ქვეყნის გენერალური შტაბის განცხადებაზე დაყრდნობით ავრცელებს.
მათივე ცნობით, „ნებო-უ“ არის რუსული შორი მოქმედების, სამკოორდინატიანი, ულტრამოკლეტალღოვანი დიაპაზონის რადიოლოკაციური სადგური. მედია წერს, რომ იგი განკუთვნილია საჰაერო სამიზნეების, მათ შორის თვითმფრინავების, ფრთოსანი და ბალისტიკური რაკეტების აღმოსაჩენად და მათზე თვალყურის დევნებისთვის.
