უკრაინამ რუსული იშვიათი საარტილერიო სისტემა 2S44 Гиацинт-К გაანადგურა, რაც ომის განმავლობაში ამ სისტემაზე დარტყმის მხოლოდ მეორე დადასტურებული შემთხვევაა. – ამის შესახებ გამოცემა Militarnyi იუწყება.
შედარებით ახალი 152 მმ-იანი საარტილერიო სისტემა დამონტაჟებულია ოთხღერძიან BAZ-6010-027 (8×8) თვლიან შასიზე. მისი კონსტრუქცია საბჭოთა წარმოების 2A36 Гиацинт-B-ს ბუქსირებადი ქვემეხის საარტილერიო ნაწილს მობილურ პლატფორმასთან აერთიანებს. Гиацинт-К-ს შეუძლია სტანდარტული მსხვრევად-ფუგასური ჭურვების სროლა დაახლოებით 30.5 კილომეტრის მანძილზე.
აქტიურ-რეაქტიული საბრძოლო მასალა კი მის სროლის მანძილს დაახლოებით 33.1 კილომეტრამდე ზრდის. თვლიანი შასი სისტემას გზებზე ტრადიციულ მუხლუხოიან არტილერიასთან შედარებით მეტ მობილურობას ანიჭებს, რაც მას საშუალებას აძლევს განავითაროს 80 კმ/სთ-მდე სიჩქარე. ეს მობილურობა იმისთვისაა გათვლილი, რომ რუსულმა ეკიპაჟებმა ცეცხლის გახსნა და პოზიციის სწრაფად შეცვლა შეძლონ, სანამ უკრაინული ძალები საპასუხო დარტყმას განახორციელებენ.
