უკრაინის სამხედრო დაზვერვის, უსაფრთხოების სამსახურისა და სამხედრო-საზღვაო ძალების განცხადებით, გამოვლენილი და განეიტრალებულია იარაღისა და რუსული დრონების კონტრაბანდის არხი, რომელიც ოკუპირებული აფხაზეთიდან შავი ზღვის გავლით მოქმედებდა.
მათი ინფორმაციით, აღნიშნული სქემა გამოიყენებოდა იარაღის, საბრძოლო დანიშნულების უპილოტო აპარატებისა და სხვა აკრძალული ტვირთების ფარული გადაზიდვისთვის. უკრაინული მხარის ცნობით, სპეცოპერაცია ერთ წელზე მეტხანს მიმდინარეობდა და მისი საბოლოო ეტაპი რამდენიმე პირის დაკავებითა და მნიშვნელოვანი რაოდენობის კონტრაბანდული ტვირთის ამოღებით დასრულდა.
