უკრაინის უსაფრთხოების სამსახურმა რუსეთის სიღრმეში, ვლადიმირის ოლქში მდებარე სტრატეგიული ნავთობბაზა „ვტოროვო“ დაბომბა.
იერიში სპეცდანიშნულების რაზმ „ალფას“ მებრძოლებმა დრონებით მიიტანეს.
ეს ობიექტი რუსეთისთვის კრიტიკულად მნიშვნელოვანია, რადგან ის მოსკოვის მთელ რეგიონს ამარაგებს საწვავით.
სწორედ ამ ბაზიდან იღებს დიზელსა და საავიაციო ნავთს მოსკოვის სამი უდიდესი აეროპორტი: „შერემეტიევო“, „დომოდედოვო“ და „ვნუკოვო“. SBU-ს ცნობით, დრონების წარმატებული თავდასხმის შედეგად, 800 მ² ფართობზე მასშტაბური ხანძარი გაჩნდა.
