უკრაინულმა ძალებმა რუსეთის კრასნოდარის მხარეში მდებარე ეისკის საზღვაო პორტზე დარტყმა განახორციელეს. სოციალურ ქსელებსა და მედიაში აზოვის ზღვის სანაპიროდან თვითმხილველების მიერ გადაღებული კადრები ვრცელდება.
მონიტორინგის არხების ცნობით, უპილოტო საფრენი აპარატების შეტევის გამო ქალაქში საჰაერო განგაში გამოცხადდა.
შექმნილი „არასტაბილური ვითარების“ გამო ადგილობრივმა ხელისუფლებამ სტადიონის მიმდებარედ დაგეგმილი შაბათ-კვირის საქალაქო ბაზრობაც გააუქმა.
