უკრაინამ ხრუსტალნიში მდებარე პილოტების სასწავლო ცენტრი დაბომბა.
„დარტყმა განხორციელდა მოწინააღმდეგის პირად შემადგენლობაზე, რომელიც იმყოფებოდა: სასწავლო კომპლექსის შენობაში (ფართობი 2 600 კვ.მ) და დროებითი დისლოკაციის პუნქტის შენობაში (ფართობი 5 700 კვ.მ). სასწავლო ცენტრში სრული კურსით იმყოფებოდნენ არტილერიის ოპერატორები, სხვა უპილოტო საფრენი აპარატების ოპერატორები, ინსტრუქტორები და სასწავლო ცენტრის მართვის ოფიცერთა შემადგენლობა.
ლოკაციაზე ერთდროულად იმყოფებოდა 30-მდე ერთეული მსუბუქი ავტოტრანსპორტი. მოწინააღმდეგის დაღუპულთა და დაჭრილთა დანაკარგების რაოდენობა იმალება, თუმცა დიდი ალბათობით მოგვიანებით გახდება ცნობილი „გაჟონვების“ ან მათივე წყევლა-კრულვის პოსტების მეშვეობით.
ოკუპანტებო, წყევლეთ თქვენი ხელისუფლება, რომელმაც კონტრაქტები გაგიფორმათ და თქვენი დედები, რომლებმაც ომში გამოგიშვეს“,_ წერს უკრაინის უპილოტო ძალების მეთაური, რობერტ “მადიარ” ბროვდი Telegram-არხზე.
