NBC News-თან ინტერვიუში აშშ-ის პრეზიდენტმა, დონალდ ტრამპმა განაცხადა, რომ „რუსეთით იმედგაცრუებულია“ მიმდინარე სამშვიდობო მოლაპარაკებებისა და უკრაინაში მშვიდობიან მოსახლეობაზე გაგრძელებული თავდასხმების გამო.
„ვფიქრობ, ორშაბათს რუსეთზე მნიშვნელოვან განცხადებას გავაკეთებ”- აღნიშნა ამერიკის პრეზიდენტმა.
ტრამპმა ასევე დაადასტურა გავრცელებული ცნობები იმის შესახებ, რომ აშშ ამზადებს დამატებითი შეიარაღების მიყიდვის მექანიზმს ნატოსთვის იმ პირობით, რომ ეს იარაღი უკრაინას გაეგზავნება.
მისივე სიტყვებით: „ჩვენ ვუგზავნით იარაღს ნატოს და ნატო მთლიანად იხდის ამ შეიარაღების საფასურს, 100%-ით. ასე რომ, რასაც ვაკეთებთ, არის ის, რომ იარაღი მიეწოდება ნატოს, შემდეგ კი ნატო გადასცემს ამ იარაღს უკრაინას.“
მისი თქმით, ეს შეთანხმება ნატოს ბოლო სამიტზე იქნა მიღებული.
