პროკურორები, რომლებიც უკრაინაში რუსეთის შეჭრის შემდეგ ჩადენილ ომის დანაშაულებთან დაკავშირებულ საქმეებს იძიებენ, რუსეთში ბავშვების იძულებით დეპორტაციის ფაქტებს, როგორც შესაძლო გენოციდს, შეისწავლიან, – ამის შესახებ უკრაინის გენერალურმა პროკურორმა, ირინა ვენედიქტოვამ განაცხადა.
მისი თქმით, უკრაინაში რუსეთის შეჭრის დღიდან ადამიანების იძულებით გადაყვანის 20-ზე მეტი შემთხვევა ფიქსირდება.
გაერო-ს 1948 წლის „გენოციდის კონვენციის“ მიხედვით, „ბავშვების იძულებით გადაყვანა“ კვალიფიცირდება როგორც გენოციდი. კონვენციის მიხედვით, გენოციდის მიზანი ეროვნული, ეთნიკური, რასობრივი ან რელიგიური ჯგუფის სრულად, ან ნაწილობრივ განადგურებაა.
