უკრაინა ევროკავშირში წევრობის შემცირებულ შესაძლებლობებს გამორიცხავს,_ ამის შესახებ განცხადება უკრაინის პრეზიდენტის ადმინისტრაციაში გააკეთეს.
უკრაინის პრეზიდენტის ადმინისტრაციის უფროსის მოადგილემ, იგორ ჟოვკვამ განაცხადა:
_ჩვენ არ გვჭირდება წევრობის ხელოვნური ფორმა. როდესაც გვესმის გამარტივებული წევრობის შესახებ, პასუხი ცალსახად უარყოფითია. ერთხელ მათ სცადეს ჩვენთვის კანდიდატის ხელოვნური სტატუსის შეთავაზება. მახსოვს, რომ პრეზიდენტმა მაშინ თქვა: არაფერი ჯობია ხელოვნურს. იგივე ეხება აქაც: არ იქნება მსუბუქი ან ნახევრად მსუბუქი წევრობა.
მან ხაზგასმით აღნიშნა, რომ უკრაინის ევროკავშირში გაწევრიანების მოდელი უნიკალური იქნება, მაგრამ ის ნამდვილად არ იქნება არასრული.
“უკრაინა ევროკავშირის სრულუფლებიანი წევრი იქნება, რადგან ამას იმსახურებს”, – ხაზგასმით აღნიშნა უკრაინის პრეზიდენტის ადმინისტრაციის უფროსის მოადგილემ.
