რუსეთის მიერ უკრაინის საზღვართან ჯარების მობილიზების ფონზე უკრაინამ ევროკავშირისა და ნატოს წვერობა ხელახლა მოითხოვა. “ჩვენ არ შეგვიძლია უსასრულოდ ვიჯდეთ ევროკავშირისა და ნატოს მოსაცდელ დარბაზში” – უკრაინის პრეზიდენტმა ვლადიმირ ზელენსკიმ ფრანგულ Le Figaro-სთან განაცხადა გერმანიის კანცლერ ანგელა მერკელთან მომავალი შეხვედრის ფონზე.
ადრე უკრაინის საგარეო საქმეთა მინისტრმა დიმიტრი კულებამ ბალტიის ქვეყნების ხელმძღვანელებთან ერთად გამართულ პრეს-კონფერენციაზე განაცხადა, რომ “კიევს ღიად ემუქრებიან ომით და უკრაინის სახელმწიფოებრიობის მოშლით. ჩვენთვის წითელი ხაზია ჩვენი სახელმწიფო საზღვარი. თუკი რუსეთი ამ ზღვარს გადავა, ის დაზიანდება” – კულებამ თქვა – წერს “”დოიჩე ველე”.
ოფიციალური კიევის განცხადებით, ოკუპირებულ ყირიმსა და რუსეთ-უკრაინის საზღვარზე 80-90 ათასი რუსი ჯარისკაცი გადასხს რუსეთმა. ევროკავშირი და აშშ რუსეთს დეესკალაციისკენ მოუწოდებს. გერმანიის კანცლერმა ანგელა მერკელმა და აშშ-ს პრეზიდენტმა ჯო ბაიდენმა რუსეთის პრეზიდენტ ვლადიმირ პუტინს საზღვრიდან ჯარის გაყვანისკენ მოუწოდეს.
