უკრაინამ ინდოეთისგან, თურქეთისგან, ეგვიპტისა და აშშ-ისგან ცეცხლის შეწყვეტის შესახებ ოთხი ინიციატივა მიიღო. საგარეო საქმეთა მინისტრ ანდრი სიბიჰას განცხადებით, კიევი ზავის სხვადასხვა ფორმატისთვის მზად არის.
სიბიჰას თქმით, უკრაინისთვის პრიორიტეტულია სრული ენერგეტიკული ზავი და შავ ზღვაში დარტყმების შეწყვეტა, რაც პორტების ინფრასტრუქტურის დაცვასა და მარცვლეულის ექსპორტის აღდგენას უზრუნველყოფს.
„ჩვენ მზად ვართ ზავის სხვადასხვა ფორმატისთვის, მათ შორის უპირობო ზავისთვის შეხების ხაზის გასწვრივ“, — აღნიშნა დიპლომატმა.
აშშ-ის მხარდაჭერილი ენერგეტიკული ზავის საკითხი ვოლოდიმირ ზელენსკისა და დონალდ ტრამპის შეხვედრაზეც განიხილებოდა. პარალელურად, თურქეთი და გაერო შავ ზღვაში ნაოსნობის უსაფრთხოებაზე ახალი მოლაპარაკებების ორგანიზებას გეგმავენ.
