ეკა ბესელიამ მმართველი გუნდი დატოვა. საპარლამენტო უმრავლესობიდან წასვლის შესახებ განცხადება იურიდიულ საკითხთა კომიტეტის ყოფილმა თავმჯდომარემ დღეს გამართულ პრესკონფერენციაზე გააკეთა.
აღნიშნულს პარლამენტის ადამიანის უფლებათა კომიტეტის თავმჯდომარე სოფო კილაძე გამოეხმაურა და ბესელიას განცხადებები კრიტიკულად შეაფასა.
“მე რაც დავინახე გუშინ, პარლამენტის თავმჯდომარე თავად იყო თავდასხმის ობიექტი. ცოტა უხერხულია ქალბატონ ბესელიასგან, როდესაც მორალურ და მაღალ ღირებულებებზე საუბრობს”, – განაცხადა კილაძემ.
