უდუმაშვილი: დიდი მოლოდინი გვაქვს, რომ სააკაშვილს ხვალ სასამართლოს წინაშე წარდგომის საშუალება მიეცემა

„ნაციონალური მოძრაობის“ წევრის ზაალ უდუმაშვილის განცხადებით, აქვს მოლოდინი, რომ მიხეილ სააკაშვილს ხვალინდელ სასამართლო პროცესზე დასწრებისა და საზოგადოებისთვის მიმართვის საშუალება ექნება.

უდუმაშვილის თქმით, ხვალ სასამართლოსთან ხალხი შეიკრიბება, რათა მხარდაჭერა გამოუცხადონ მიხეილ სააკაშვილს, თუმცა სხვა არაფერი იგეგმება.

„არ გვაქვს ინფორმაცია, რა გადაწყვეტილებას მიიღებენ ხვალინდელ პროცესთან დაკავშირებით, თუმცა თუ ვიმსჯელებთ იქიდან, რა წინასწარი განცხადებებიც კეთდებოდა ხელისუფლების მხრიდან, რომ მიხეილ სააკაშვილს მიიყვანდნენ სასამართლო პროცესზე, ჩვენ დიდი მოლოდინი გვაქვს, რომ მიხეილ სააკაშვილს ხვალ პირველად, რაც ის საქართველოში დაბრუნდა, მიეცემა საშუალება სასამართლოს წინაშე წარდგომის და მიმართვის როგორც სასამართლოსთვის, ისე მთელი საზოგადოებისთვის. ამას ჩვენ ყველა ველოდებით და ბუნებრივია, ამას ელოდება ჩვენი მოსახლეობაც, მხარდამჭერებიც. ვფიქრობ, ხვალ უამრავი ადამიანი შეიკრიბება სასამართლოსთან, რადგან ყველას აქვს სურვილი, სოლიდარობა გამოუცხადოს მიხეილ სააკაშვილს. მე არ ვიცი, რა განზრახვა აქვს ხელისუფლებას, თუმცა მთელი ამ პერიოდის განმავლობაში, რაც მიხეილ სააკაშვილი საქართველოში იმყოფება, არც ერთი შემთხვევა არ ყოფილა, რომ ჩვენ რაღაცნაირად ხელი შეგვეშალა სამართლადამცავებისთვის, თუნდაც მიხეილ სააკაშვილის გადაადგილების პროცესში და არც ხვალ ვგეგმავთ არაფერს, მაგრამ, ბუნებრივია, როდესაც მიხეილ სააკაშვილი პირველად მიდის სასამართლო პროცესზე, ჩვენ სულ რომ არ გვინდოდეს, ხალხი მაინც შეიკრიბება და და მაინც მივა საააკაშვილის მხარდასაჭერად. ასე რომ, ის არგუმენტები, რომ ჩვენ რაღაცას დავგეგმავთ, სრულიად აბსურდულია, უბრალოდ ჩვენ შევიკრიბებით სასამართლოსთან, რათა მხარდაჭერა გამოვუცხადოთ მესამე პრეზიდენტს“, – განაცხადა ზაალ უდუმაშვილმა.

banner
წინა სტატიაშიკუჭავა: პოლარიზაცია დღესდღეობით განსაკუთრებით მძაფრად იგრძნობა, საზოგადოებრივ დაყოფას კი ბოლო არ უჩანს
შემდეგი სტატიაყიფშიძე: სააკაშვილს ჯანმრთელობა აძლევს იმის საშუალებას, რომ ხვალ საკუთარ სასამართლო პროცესს დაესწროს