სახალხო დამცველი წინასაარჩევნო გარემოს შესახებ შეხვედრას მართავს. კონფერენციაზე საარჩევნო პროცესსა და ინკლუზიურ გარემოზე მსჯელობენ. უჩა ნანუაშვილი ასევე საუბრობს საერთაშორისო გამჭვირვალობა საქართველოს შუალედურ ანგარიშზე, სადაც მოხვდა ბოლო პერიოდში გავრცელებული ფარული ჩანაწერები.
“ზოგადად შეიძლება ითქვას, რომ წინასაარჩევნო სიტუაცია, გარემო საკმაოდ მშვიდია თუმცა არის მთელი რიგი საკითხები, რასთან დაკავშირებითაც საზოგადოებაში კითხვები არსებობს. რა თქმა უდნა ეს გამოძიება უნდა მივიდეს ბოლომდე მაგრამ მნიშვნელოვანია, რომ ფარული მიყურადების ნებისმიერი შემთხვევა, რომელიც უკანონოდ ხორციელდება იყოს გამოძიებული. ჩვენთვის ასევე მნიშვნელოვანია, რომ როდესაც ვსაუბრობთ ინკლუზიურ საარჩევნო გარემოზე, ყველა ის ჯგუფი იყოს მაქსიმალურად უზრუნველყოფილი საარჩევნო უფლებით, რაზეც დღეს გვაქვს დებატები,“ – განაცხადა უჩა ნანუაშვილმა.
