,,პოსტივის” დამფუძნებელი, შალვა რამიშვილი ,,ლელოს” წევრ საბა ბუაძეზე თავდასხმას ასე ეხმაურება:
,,საბა ბუაძეს არ ვურჩევ თემის პედალირებას! უბანი არ უნდა გაანაწყენო ჭუკლი! “
ცივი იარაღი, რომელიც საბა ბუაძეზე თავდამსხმელს შემთხვევის ადგილზე დაუვარდა ამ დრომდე „ძლიერი საქართველოს“ საბურთალოს შტაბში ინახება, – ამის შესახებ „ძლიერი საქართველოს“ განცხადებაშია აღნიშნული.
როგორც საბურთალოს შტაბთან მომხდართან დაკავშირებით გავრცელებულ განცხადებაშია აღნიშნული, პოლიციას ასევე არ დაუკითხავს საბა ბუაძე და პარტიის სხვა წევრები.
„ცივი იარაღი, რომელიც საბა ბუაძეზე თავდამსხმელს შემთხვევის ადგილზე დაუვარდა პოლიციას არ წაუღია/დაულუქია, როგორც სამხილი და დანაშაულის იარაღი. დანა ამ დრომდე „ძლიერი საქართველოს“ საბურთალოს შტაბში ინახება. პოლიციას ასევე არ დაუკითხავს საბა ბუაძე და პარტიის სხვა წევრები, რომლებიც თავდამსხმელების სამიზნეები და თავდასხმის თვითმხილველები იყვნენ“, – აღნიშნულია განცხადებაში.
ცოტა ხნის წინ, „ლელოს“ წევრმა, საბა ბუაძემ სოციალურ ქსელში გავრცელა ვიდეო და დაწერა: „საბურთალოს შტაბიდან გამოსულებს პროვოკატორები შემოგვხვდნენ „შემთხვევით“, გინებით, დანით და ქვების სროლით“.
