უაქციზო სიგარეტის რეალიზაციის ფაქტზე ერთი პირი დააკავეს

საქართველოს ფინანსთა სამინისტროს საგამოძიებო სამსახურმა, გატარებული ოპერატიულ-სამძებრო და საგამოძიებო მოქმედებების შედეგად, აქციზური მარკის სავალდებულო დართვას დაქვემდებარებული საქონლის – თამბაქოს ნაწარმის აქციზური მარკის გარეშე შენახვის, გადაზიდვის და რეალიზაციის ფაქტზე საქართველოს მოქალაქე დააკავა.
საქმეზე ჩატარებული გამოძიებით დადგენილია, რომ ბრალდებულმა, კანონსაწინააღმდეგოდ მოახდინა მარკირებას დაქვემდებარებული, დიდი ოდენობით თამბაქოს ნაწარმოს უაქციზოდ რეალიზაცია. დაკავებულის ავტომანქანის ჩხრეკის შედეგად საგამოძიებო სამსახურმა უაქციზო სიგარეტი ამოიღო ნივთმტკიცების სახით. ბრალდებულისგან ასევე ამოღებულია ავტომანქანა, რითაც ახდენდა უაქციზო თამბაქოს ნაწარმის გადაზიდვას.

საქმეზე გამოძიება მიმდინარეობს საქართველოს სისხლისსამართლის კოდექსის მე-200 მუხლის მე-2 ნაწილის ,,ბ’’ქვეპუნქტით, რაც სასჯელის სახით ითვალისწინებს თავისუფლების აღკვეთას 4-დან 6 წლამდე ვადით.

banner
წინა სტატიაშიხელშეკრულება “გაზპრომთან” – “ევროპული საქართველო” ენერგეტიკის მინისტრს პარლამენტში იბარებს
შემდეგი სტატიაგიორგი მღებრიშვილი ხულოში ჩავიდა