რუსული მედიის ინფორმაციით, ქალაქ ტვერში თავდაცვის სამინისტროს კვლევით ინსტიტუტში გაჩენილ ხანძარს 2 ადამიანის სიცოცხლე ემსხვერპლა.
ინტერფაქსის ცნობით, გაურკვეველია კიდევ ერთი ადამიანის ბედი. მათივე ცნობით, შენობა სრულად დაიწვა და ჩამოინგრა სახურავი.
ხანძარი საჰაერო-კოსმოსური თავდაცვის სამხედროების კვლევით-სამეცნიერო ცენტრალურ ინსტიტუტში 21 აპრილს გაჩნდა. რუსული მედიის ინფორმაციით, ხანძარი შენობის მეორე სართულზე გაჩნდა. ევაკუირებულია დაწესებულების 30 თანამშრომელი. დაშავებულია 25 ადამიანი.
