„ტვ პირველის“ დამფუძნებელი ვატო წერეთელი საქალაქო სასამართლოში მივიდა. მას რამდენიმე წუთში ხაზარაძე-ჯაფარიძის საქმეზე მაგისტრატი მოსამართლის თანდასწრებით გამოკითხავენ. დაკითხვაზე პროკურატურაში ორი დღის წინ დაიბარეს, თუმცა საგამოძიებო უწყებაში მისვლაზე უარი თქვა.
“თიბისის” დამფუძნებლებთან ერთად 10 წლის წინანდელ ფინანსურ ოპერაციაში, რომლის გამოძიებაც “ქართული ოცნების” ხელისუფლებამ რამდენიმე თვის წინ დაიწყო, “TV პირველის” 100-პროცენტიანი წილის მფლობელიც ფიგურირებს.