ძლიერი წვიმის გამო, ბათუმში რამდენიმე ქუჩა დაიტბორა. საგანგებო სიტუაციების მართვის სამსახურის ინფორმაციით, ბათუმში წვიმასთან დაკავშირებულ პრობლემებზე სულ 54 გამოძახებაა შესული. გამოძახებების უმრავლესობა ქუჩის დატბორვას ეხება.
არსებული ინფორმაციით ,რამდენიმე ქუჩაზე გართულდა საავტომობილო მიმოსვლა. მოსახლეობისთვის წყალდიდობას განსაკუთრებული ზიანი არ მიუყენებია, თუმცა წყალი რამდენიმე სახლის სარდაფშიც შევიდა.
ყველაზე რთული ვითარება აღმაშენებლის ქუჩაზეა, სადაც ავტომობილით გადაადგილება გართულებულია. კრიტიკულ ადგილებში მუშაობენ სამაშველო ჯგუფები.
ამ დროისთვის ბათუმში აღარ წვიმს.
