წუხელ კანდელაკის ქუჩაზე დაჭრილი მიხეილ ცხაკაია გარდაიცვალა. ამის შესახებ ინფორმაციას რესპუბლიკურ საავადმყოფოში ადასტურებენ.
ცეცხლსასროლი იარაღიდან მიყენებული ჭრილობებით დაზარალებული წუხელ რესპუბლიკურ საავადმყოფოში გადაიყვანეს, მაგრამ მისი გადარჩენა ვერ მოხერხდა.
გავრცელებული ინფორმაციით, მას მრავლობითი ჭრილობები საფანტის თოფით ჰქონდა მიყენებული.
თვითმხილველთა თქმით, დაზარალებული სახლში იმყოფებოდა, როდესაც დაუდგენელმა პირებმა დაუძახეს, სახლიდან გამოიყვანეს და სწორედ ამ დროს გაისმა სადარბაზოსთან სროლის ხმაც.