წყალტუბოში დაღუპული მოზარდის დედამ თავი მოიკლა. გავრცელებული ინფორმაციით, მას შემდეგ, რაც დედამ შვილის დაღუპვის შესახებ შეიტყო, მოზარდის დედა თურქეთიდან ჩამოვიდა და მის კვალს რამდენიმე საათის განმავლობაში ვერ პოულობდნენ.
ოჯახის ახლობლების თქმით, მოგვიანებით ქალის ცხედარი ერთ-ერთ საცხოვრებელ კორპუსთან იპოვეს. სავარაუდოდ ის სიმაღლიდან გადმოხტა.
საქართველოს შინაგან საქმეთა სამინისტროს ინფორმაციით, ქალის დაღუპვის ფაქტზე გამოძიება სსკ-ის 115-ე მუხლით დაიწყო, რაც თვითმკვლელობამდე მიყვანას გულისხმობს.