შიდასახელმწიფოებრივი მნიშვნელობის წყალთაშუა-კურორტი საირმის საავტომობილო გზის მე-3 კმ-ზე, სადაც მიწის მასა ჩამოვიდა და მოძრაობა დროებით შეზღუდული იყო, მოძრაობა ნაწილობრივ აღდგა.
ამის შესახებ ინფორმაციას საქართველოს ინფრასტრუქტურის სამინისტროს საავტომობილო გზების დეპარტამენტი ავრცელებს.
უწყების ცნობით, ამ ეტაპზე, აღნიშნულ მონაკვეთზე ავტოტრანსპორტის მოძრაობა გზის ერთ სამოძრაო ზოლზე რევერსულად ხორციელდება.
ცნობისთვის, შიდასახელმწიფოებრივი მნიშვნელობის წყალთაშუა-კურორტი საირმის საავტომობილო გზის მე-3 კმ-ზე დღეს მიწის მასა ჩამოვიდა და გზის სავალი ნაწილი ჩაკეტა, რის გამოც აღნიშნულ გზაზე დროებით აკრძალული იყო ყველა სახის ავტოტრანსპორტის მოძრაობა.
