პარლამენტის ვიცე-სპიკერი ნინო წილოსანი ჟურნალისტებთან გამოეხმაურა ევროპარლამენტის მიერ ტელეკომპანია „იმედისთვის“ საქმიანობის 1 წლით აკრძალვას, ხოლო მოლდოვას მიერ „იმედისთვის“ , „რუსთავი ორისა“ და „პოსტივისთვის“ აკრედიტაციაზე უარის თქმას.
“სამწუხაროდ უკვე ფაქტად იქცა, რომ ვცხოვრობთ დროებაში, სადაც თავისუფალი სიტყვის ჩახშობა და ალტერნატიული მოსაზრების გამოთქმა, თუ ამის ტრანსლირება არის დანაშაული. ამ ყველაფრის ფონზე ალბათ ლოგიკური გაგრძელებაა, რომ „იმედის“, „PosTV-ს“ და „რუსთავი 2“-ის სახით მოლდოვა ნამდვილად არ დაუშვებდა, რომ თავისუფალ სიტყვას ეარსება. ეს არის გაგრძელება იმ მახინჯი პოლიტიკის, რომელსაც სამწუხაროდ თავად ევროკავშირის სხვადასხვა ინსტიტუციამ დაუდო საფუძველი“, – განაცხადა ნინო წილოსანმა.
