იონ მიხაი პაჩეპა, რუმინული დაზვერვის მაღალჩინოსანი ოფიცერი საბჭოთა პერიოდში დასავლეთში გაიქცა და გამოუშვა წიგნი „დეზინფორმაცია (Disinformation)“ , სადაც ისწერს, რომ ისლამური ტერორიზმის ფესვები უნდა ვეძებოთ 1970 წლებში საბჭოთა სუკის (КГБ) მიერ მომზადებულ საიდუმლო ოპერაციებში, წერს ინგლისური გაზეთი Daily Mail.
იური ანდროპოვი, რომელიც 15 წელი იყო სახელმწიფო უშიშროების კომიტეტის (საბჭოთა სუკის (КГБ) თავმჯდომარე, ასობით აგენტებს და პროპაგანდისტული ლიტერატურის ათასეულობით ასლს აგზავნიდა მუსულმანურ ქვეყნებში, რომ მიეყენებინა ზარალი აშშ და ისრაელისთვის.
1972 წლისთვის ანდროპოვის დეზინფორმაციის მანქანა 24 საათი მუშაობდა და არწმუნებდა მუსულმანურ ქვეყნებს, რომ ისრაელს და ამერიკის შეესთებული შტატებს გამიზნული აქვთ მთელი სამყაროს გადაქცევა სიონიზმის სამფლობელოდ.
ანდროპოვისთვის ისლამური სამყარო იყო პეტრის ფიალა, სადაც სუკს მარქსიზმ-ლენინიზმის ბაქტერიიდან გამოჰყავდა სიძულვილის ვირუსის შტამი აშშ-ს წინააღმდეგ.
ექვსდღიანი ომის დაწყებამდე რამდენიმე თვით ადრე ანდროპოვი საბჭოთა სუკის ხელმძღვანელად დანიშნეს. ცნობილია, რომ ამ ომში სსრკ, სირიამ და ეგვიპტემ დამამცირებელი დამარცხება იწვნიეს. მაშინ მომავალმა გენერალურმა მდივანმა,იური ანდროპოვმა, გადაწყვიტა შური ეძია: იმ პერიოდში მოხდა საბჭოთა სუკის მიერ მომზადებული პალესტინელი ტერორისტების თავდასხმა ისრაელის კომპანიის El Al სამგზავრო თვითმფრინავებზე, გატაცება და მათ მიერ მოწყობილი ტერაქტები იერუსალიმში.
გაკვირვებას ისწვევს ის, რომ ანდროპოვმა პირველმა გასცა ბრძანება, არაბულ ენაზე ეთარგმნათ „სიონის ბრძენთა ოქმები“ – რუსეთის საიდუმლო პოლიციის ( ჯერ კიდევ 19 საუკუნის ბოლოდან მოქმედებდნენ პარიზში) მიერ შეთხზული პროპაგანდისტული სიყალბე.
1978 წელს პაჩეპა გაიქცა ამერიკაში, სადაც მოქალაქეობა და პოლიტიკური თავშესაფარი მიიღო. მანამდე კი ის ხელმძღვანელობდა რუმინეთის საგარეო დაზვერვის სამსახურს (DIE) და აქტიურ მონაწილეობას ღებულობდა ანრდოპოვის პროექტებში.
პაჩეპას სიტყვებით, „სიონის ბრძენთა ოქმები“ საფუძვლად დაედო ჰიტლერის ანტისემიტურ პროპაგანდას. 1970 წლებში საბჭოთა სუკმა მუსულმანურ ქვეყნებში გაავრცელა ამ სიყალბის ათასობით ეგზემპლარი.
როგორც მზვერავი ისხენებს, 1972 წელს რუმინეთის საგარეო დაზვერვის სამსახურმა (DIE) სუკისგან მიიღო ოქმების თარგმანი და კიდევ რაღაც დოკუმენტი, რომელიც ამტკიცებდა, რომ აშშ არის სიონისტური სახელმწიფო. პაჩეპას ამოცანა იყო ამ პროპაგანდისტული მასალების საიდუმლო გავრცელება მითითებულ არაბულ ქვეყნებში.
პაჩეპას იხსენებს, რომ როცა ის ხვდებოდა თავის უნგრელ და ბულგარელ კოლეგებს, მათგან იგებდა, რომ მათაც ეს დავალება ქონდათ ცენტრიდან სუკიდან. გარდა ამისა, სეკურიტატეს (უსაფრთხოების რუმინული დეპარტამენტი) გენერალ-ლეიტენანტ პაჩეპას მტკიცებით, მან თავის თავზე, საიდუმლოდ აიღო პასუხისმგებლობა 11 ტერაქტზე, რომელიც მოხდა ისრაელის ტერიტორიაზე. მათ შორისაა ისრაელის აეროპორტ „ბენ გუნიონზე“ თავდასხმა, რომლის დროსაც დაიღუპა 22 ადამიანი, ხოლო 76 დაიჭრა. ეს მოხდა 1972 წლის 30 მაისს; აფეთქებები ისრაელში, სიონის მოედანზე 1975 წლის 4 ივლისს, დაიღუპა 15, დაიჭრა 64 ადამიანი.
2011 წლის სექტემბერში, პუტინის დაბრუნებამდე, ცივი ომის ძველი მეომარი, მაჰმუდ აბასი (Mahmoud Abbas), პალესტინის პოლიტიკის მოწინავე რიგებში აღმოჩნდა. გაეროს გენერალური ასამბლეის სხდომაზე, მქუხარე აპლოდისმენტების თანხლებით, მან გაეროს გადასცა მოთხოვნა, ეღიარებინათ პალესტინის რესპუბლიკა 1967 წელს დადგენილი საზღვრებით. ცოტამ თუ იცის, რომ პალესტინის განთავისუფლების ორგანიზაცია შექმნა და აფინანსებდა საბჭოთა სუკი. ბევრმა არ იცის, რომ რუსეთის აკადემიის, მოსკოვის აღმოსავლეთმცოდნეობის ინსტიტუტი, სადაც პოლიტიკურად ჩამოყალიბდა აბასი, იმ დროს სუკს ემორჩილებოდა და მხოლოდ იმ უცხოელებს ღებულობდნენ, რომელთაც სუკი აძლევდა რეკომენდაციას.
ალბათ, ასევე ბევრმა არ იცის, რომ აბასის საკანდიდატოს ხელმძღვანელი იყო სუკის ოფიცერი ევგენი პრიმაკოვი, მოგვიანებით ის „დემოკრატიული“ რუსეთის დაზვერვის უფროსი გახდა. პრიმაკოვი ასევე სადამ ჰუსეინის მრჩეველი იყო. აბასის დისერტაცია სახელწოდებით „საიდუმლო კავშირი ნაცისტებს და სიონისტური მოძრაობის ლიდერებს შორის“, მთლიანად უარყოფდა ჰოლოკოსტს. აბასი ამტკიცებდა, რომ გერმანელებმა სულ რამდენიმე ათასი ებრაელი მოკლეს.
