„პირველად არ გვესმის აშშ-ისა და ჩვენი სხვა პარტნიორი ქვეყნის მაღალჩინოსნების მხრიდან განცხადებები იმის თაობაზე, რომ ის ვითარება, რაც არის საქართველოში, ის ნაბიჯები, რაც ხელისუფლებამ არ გადადგა, სასამართლო რეფორმის, პოლიტიკური პოლარიზაციის შემცირების, ასევე საარჩევნო რეფორმის თვალსაზრისით, ძირს უთხრის დემოკრატიულ პროცესს, შესაბამისად, არ არის არანაირად თანხვედრაში იმ ყველაფერთან, რის გამოც ჩვენ აშშ-ის სტრატეგიული პარტნიორი ვართ ან გვინდა ევროკავშირის ნაწილი ვიყოთ. თუ ამას შეგნებულად არ აკეთებ, მაშინ ტყუილია, რომ საქართველო დასავლეთისკენ მიდის და ჩვენ, სამწუხაროდ, ამ პროცესის მომსწრენი ვართ. ეს მხოლოდ და მხოლოდ ნიშნავს იმას, რომ ალიანსში ხარ რუსეთთან, რაც არის ძალიან მძიმე რეალობა, რომელიც დღესდღეობით საქართველოშია“, – განაცხადა გიგი წერეთელმა.
