საქართველოს ცენტრალური საარჩევნო კომისიის თავმჯდომარის თანამდებობა შესაძლოა, კვლავ თამარ ჟვანიამ დაიკავოს.
არსებული ინფორმაციით მმართველი გუნდი ცესკო-ს ხელმძღვანელის პოსტზე, წარდგენის შემთხვევაში, თამარ ჟვანიას კანდიდატურის მხარდაჭერას აპირებს.
„საარჩევნო კოდექსის“ გათვალისწინებით, ცესკო-ს თავმჯდომარეობის კანდიდატების წარდგენის უფლებამოსილება პრეზიდენტს აქვს. კანონის მიხედვით, პრეზიდენტი ცესკო-ს თავმჯდომარის თანამდებობაზე ასარჩევად სამ კანდიდატურას ადგილობრივ არასამეწარმეო (არაკომერციულ) იურიდიულ პირებთან კონსულტაციების შემდეგ პარლამენტს წარუდგენს. თავმჯდომარეს პარლამენტი ამტკიცებს.
თამარ ჟვანიას ცესკო-ს ხელმძღვანელის თანამდებობაზე ყოფნის უფლებამოსილება 11 სექტემბერს ამოეწურა.
