ამ წუთებში, წალენჯიხის მუნიციპალიტეტის საკალანდიოს უბანში ტყის მასივი იწვის. ადგილობრივების ინფორმაციით, ცეცხლი დასახლებული პუნქტიდან, დაახლოებით 5 კილომეტრში, რამდენიმე საათის წინ გაჩნდა და შემდეგ ტყის მასივზე გავრცელდა.
ტერიტორია, სადაც ხანძარია რთულად მისასვლელია. ხანძრის გამომწვევი მიზეზი, ჯერჯერობით უცნობია. ასევე ჯერ ცნობილი არ არის, რა ფართობზეა ხანძარი გავრცელებული.
ამ წუთებში ჭალე, ფახულანსა და ნაკიფუში ცეცხლის კერები გაჩნდა.