წალენჯიხის მუნიციპალიტეტის სოფელ სქურში ახალგაზრდა მამაკაცს ამ წუთებში სამაშველო სამსახური ეძებს

წალენჯიხის მუნიციპალიტეტის სოფელ სქურში ახალგაზრდა მამაკაცს ამ წუთებში სამაშველო სამსახური ეძებს.

არსებული ინფორმაციით, ადგილზე წყალი მოულოდნელად და დიდი სისწრაფით მოვარდა. ახალგაზრდა მამაკაცმა დედა-შვილის გადარჩენა შეძლო, თუმცა თავად ძლიერი დინებისგან ვეღარ გამოვიდა და წყალმა გაიტაცა.

ადგილზე ამ დროისთვის სამაშველო სამსახურის თანამშრომლები იმყოფებიან და დაკარგული ახალგაზრდის სამძებრო სამუშაოები მიმდინარეობს.

შემთხვევის ადგილზე იმყოფებიან წალენჯიხის მუნიციპალიტეტის მერი, სამაშველო სამსახურის თანამშრომლები და პოლიცია.

„თაიმერი“ დამატებით ინფორმაციას მიღებისთანავე მოგაწვდით.

“თაიმერი”