წალენჯიხის მუნიციპალიტეტის სოფელ კანთში ახალი სკოლა აშენდება

თაიმერი timer.ge
ავტ.: თაიმერი timer.ge ნოემბერი 21, 2019 21:02

წალენჯიხის მუნიციპალიტეტის სოფელ კანთში ახალი სკოლა აშენდება

წალენჯიხის მუნიციპალიტეტის სოფელ კანთში ახალი სკოლა აშენდება.ინფორმაცია მასწავლებლებს და მოსწავლეებს სამეგრელო-ზემო სვანეთის სახელმწიფო რწმუნებულის პირველმა მოადგილემ დავით ფარცვანიამ, წალენჯიხის მერთან ერთად გააცნო. საბაზო სკოლის პროექტირება უკვე დასრულების ეტაპზეა ახალი წლიდან კი სამშენებლო სამუშაოები დაიწყება.

პროექტს საქართველოს მუნიციპალური განვითარების ფონდი ახორციელებს. ახალი, თანამედროვე სტანდარტების შესაბამისი საბაზო სკოლა 60 მოსწავლეზე იქნება გათვლილი, ასევე მოეწყობა სპორტული მოედანი. პროექტის ღირებულება 1 მილიონ ლარზე მეტია.

კანთის სკოლა 2011 წელს დაიწვა და მას შემდეგ სასწავლო პროცესი სოფელში არსებულ ყოფილ საკოლმეურნეო მაღაზიაში მიმდინარეობს. სკოლაში ინფრასტრუქტურის არარსებობის გამო მშობლებმა მოსწავლეები ახლომდებარე სკოლებში გადაიყვანეს, რის გამოც ამჟამად კანთის სკოლაში მხოლოდ 3 მოსწავლე სწავლობს. სკოლის არ არსებობა სოფელიდან მიგრაციას უწყობდა ხელს.

თაიმერი timer.ge
ავტ.: თაიმერი timer.ge ნოემბერი 21, 2019 21:02

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


6,376
ვიზიტორი
დღეში
Powered By Google Analytics