წალენჯიხის კულტურულ ისტორიაში იშლება დიდი სახის სიცარიელე — ქალაქმა დაკარგა ქვათი ჯოლოხავა, მუსიკოსი, რომელიც მრავალი თაობის აღმზრდელი იყო და ქართული სიმღერის განუყოფელი ნაწილი გახდა. ადამიანი, რომლის ცხოვრება ნოტებთან სინქრონში იყო აღბეჭდილი და რომლის მიერ შესრულებულ, თითოეულ ნაწარმოებში შეიძლება მთელი მისი სული იღვრებოდა!
მუსიკის მიმართ მისმა სიყვარულმა, ბავშვობიდანვე გამოავლინა დიდი ნიჭი — მას ეძახდნენ „პატარა ვირტუოზს“. ეს იყო ადამიანი, რომელმაც მუსიკა თავისი ცხოვრების გზად აქცია და რომელიც ვერც ერთ ნოტს, ვერ იმეტებდა გამოსატოვებლად.
წლები მაკავშირებდა მასთან, მეგობრული და პროფესიული ურთიერთობით. მისი ქართული სიმღერების უბადლო შესრულება და პედაგოგიური ნიჭი, საშუალებას აძლევდა არაერთ თაობას, შეესწავლა მუსიკა უმაღლეს დონეზე!
ქვათი ჯოლოხავა არ იყო მარტივი ადამიანი — ის მკაცრი, დაჟინებული, თუმცა, პატივსაცემი პროფესიონალი იყო, რომლისთვისაც პროფესიონალიზმი უპირველესი იყო.
ჩვენი ურთიერთობა მრავალი წლის წინ დაიწყო, როცა ქვათი ჯოლოხავამ მასწავლებლად მუშაობა დაიწყო, შემდეგ, ერთმანეთს სკოლაში შევხვდით. მაშინ, როცა საქართველოში რთული პერიოდი იდგა — უშუქობა, უგაზობა, შიმშილი. ამ რთულ გარემოში მან, მაინც მოახერხა პირველი კონცერტის ჩატარება, სადაც, მეც ვიღებდი მონაწილეობას. რასაც, ლეტმირა მარკელია და მანანა შანავაც დამიმოწმებენ. ეს კონცერტი ჩატარდა იმ პერიოდში, როდესაც ცხოვრება, ყოველ ნაბიჯზე გამოწვევის წინაშე გვაყენებდა და იყო ისეთი სრულყოფილი, რომ თავისუფლად შეიძლებოდა თბილისის სცენაზეც წარმატებით ჩატარებულიყო.
კონცერტზე გატანილი თითოეული ნაწარმოები, ნოტი, ხმა, თითოეული ვიბრაცია — ყველა შერჩეული და განკუთვნილი იყო კონკრეტული ემოციის გადმოსაცემად.
მისი ხელწერა კონცერტში, გაკვეთილში, თუ შემსრულებლისთვის რაიმე სახის პრაქტიკაში- ყოველთვის ნიჭისა და სულიერი სიწმინდის ნიმუში იყო.
ქვათი ჯოლოხავა — დიდი მუსიკოსი, ქართული სიმღერის ერთ-ერთი ბურღი ფიგურა, მაესტრო და პედაგოგი, რომლის სახელი და გვარი წალენჯიხის ისტორიაში ოქროს ასოებით ჩაიწერა და მარადიულად დარჩება.
მას შეეძლო შთაგონება ყოფილიყო თაობებისთვის, რომ მუსიკისთვის სიცოცხლე და სულიერება მიეცა. მისი ნიჭი, სიყვარული და პროფესიონალიზმი, ნაჩვენებია, არა მხოლოდ, მისი მუსიკალური შემოქმედებით, არამედ, მისი შეგირდებითაც, რომლებიც სწავლობდნენ და მის მაგალითზე ცხოვრობენ დღესაც!
მისი წყალობით წალენჯიხაში დაიბადა უნიკალური მუსიკალური ეპოქა, რომლის მემკვიდრეობა მრავალ თაობებს ერგო წილად. ყოველი შესრულება, თითოეული გაკვეთილი, თითოეული ნოტი — მისი სიყვარულის და ნიჭის პირდაპირი სიგნალია!
წალენჯიხამ, დიდი ხელოვანი დაკარგა — ადამიანი, რომლის არსებობამ ქალაქში შექმნა ერთიანი მუსიკალური ეპოქა. ქვათი ჯოლოხავას წვლილი წალენჯიხას კულტურულ ცხოვრებაში არასდროს გაქრება. ის იყო მაგალითად იმისა, თუ როგორ შეუძლია ერთ ადამიანს მთელი ქალაქის მუსიკალური ცხოვრება შეცვალოს, განავითაროს და დაუვიწყარ გამოცდილებად აქციოს.
წალენჯიხამ დაკარგა დიდი ხელოვანი, თუმცა, მისი სიყვარული მუსიკისადმი, მისი ნიჭი და პროფესიონალიზმი მუდამ დარჩება ქალაქის კულტურული მეხსიერების ნაწილად. ქვათი ჯოლოხავა — წალენჯიხის მუსიკალური სულის სამუდამო სიმბოლო!
რამდენი წელი ვეხვეწებოდი, რომ მასზე სიუჟეტი გამეკეთებინა. უარზე იყო, ამბობდა: „დრო მინდა, ახლა ვერაო“.
მან, როგორც ყოველთვის, დროს გაუსწრო… და წავიდა.
ქვათი ჯოლოხავა არ არის უკვე ჩვენს შორის, მაგრამ მისი მუსიკალური სული ჩვენს გულებში ცხოვრობს.
ავტორი: ბერდია კალანდია
