ორსულ ქალს, რომელიც წალენჯიხის ე. წ კლასტერიდან არის და ახალგაზრდა მამაკაცს, რომელიც გალის რაიონის მკვიდრია, ლუგარის ლაბორატორიიდან მოსული ანალიზების თანახმად კორონავირუსი არ დაუდასტურდათ. ამის შესახებ აცხადებენ ზუგდიდის ინფექციურ საავადმყოფოში. სამედიცინო დაწესებულების ინფორმაციით, ამჟამად ბოქსირებულ განყოფილებაში ახალი კორონავირუსით ინფიცირებული ორი პაციენტი რჩება, რომელთა ჯანმრთელობის მდგომარეობა დამაკმაყოფილებელია.