წალენჯიხის არტ-მეურნეობაში ქალაქის თეატრის სპექტაკლის „ემიგრანტების“ პრემიერა სრული ანშლაგით ჩაიარა. წარმოდგენას წალენჯიხიდან და მეზობელი სოფლებიდან ჩამოსული მრავალრიცხოვანი მაყურებელი დაესწრო.
სპექტაკლი პოლონელი დრამატურგის სლავომირ მროჟეკის ამავე სახელწოდების პიესის მიხედვით დაიდგა. დადგმაში მონაწილეობდნენ ირაკლი აფაქიძე და გიორგი გოგიშვილი. სპექტაკლის რეჟისორი ირაკლი აფაქიძეა, მუსიკალური გაფორმების ავტორი კი ანანო ლიპარტელიანია.
„ემიგრანტები“ სლავომირ მროჟეკის ერთ-ერთი ყველაზე ცნობილი პიესაა, რომელიც ემიგრაციაში მცხოვრები ადამიანების ურთიერთობებს, თავისუფლების, იდენტობის, არჩევანისა და მონატრების თემებს ეხება.
პრემიერა არტ-მეურნეობის თეატრში „ხაზარაძეების ფონდი კულტურისთვის“-ის მხარდაჭერით გაიმართა. წარმოდგენაზე დასწრება თავისუფალი იყო, რის გამოც სპექტაკლმა მაყურებლის განსაკუთრებული ინტერესი და სრული ანშლაგი დაიმსახურა.
