წალენჯიხაში, სოფელ სქურის ტყეში ხანძარია. ცეცხლი უკიდია გამხმარ ფოთლებსა და ბუჩქებს. რთული რელიეფის და ხილვადობის გამო ხანძრის კერამდე სახანძრო ავტო ტექნიკის მიყვანა ვერ ხერხდება. მეხანძრე-მაშველებს გადაადგილება მოუწიათ ქვეითად.
„სოფელ სქურში ტყეში იწვის ფოთლოვანი ტყის ქვედა საფარი ორ კერად – 100 და 200 მეტრი სიგრძის ზოლზე. ხანძრის სიახლოვეს არ არის დასახლებული პუნქტი. რთული რელიეფის და ხილვადობის გამო ხანძრის კერამდე სახანძრო ავტოტექნიკის მიყვანა ვერ ხერხდება. მეხანძრე-მაშველებს გადაადგილება მოუწიათ ქვეითად. ღამის განმავლობაში გაგრძელდება მონიტორინგი. ხილვადობის აღდგენისთანავე განახლდება ქრობის სამუშაოები“, – აცხადებენ საგანგებო სიტუაციების მართვის სამსახურში.