აშშ-ს პრეზიდენტმა დონალდ ტრამპმა, მისი წინასაარჩევნო დაპირებისამებრ, მექიკის საზღვარზე კედლის მშენებლობის შესახებ განკარგულებას მოაწერა ხელი. ის ისევ იმას იმეორებს, რომ კედლის თანხას მექსიკა გადაიხდის. ABC News-თან ინტერვიუში ტრამპმა თქვა, რომ მექსიკა “აბსოლუტურად, 100%-ით” აშშ-ს ხარჯებს აუნაზღაურებს. “ამ მოლაპარაკებებს ჩვენ ძალიან მალე დავიწყებთ. და ჩვენ რაიმე ფორმით მექსიკა ხარჯებს აგვინაზღაურებს” – განაცხადა ტრამპმა. “მე უბრალოდ, ვამბობ, რომ გადახდა მოხდება. ეს რაღაცა ფორმით იქნება. შესაძლებელია, რთული ფორმით, და ეს უნდა გავიგოთ. ის, რასაც ვაკეთებ, აშშ-ს კეთილდღეობისკენ არის მიმართული” – დაამატა ტრამპმა.
გასულ წელს მექსიკის ხელისუფლებამ განაცხადა, რომ ისინი კედლის ხარჯების დაფარვას არ აპირებენ.