აშშ-ს პრეზიდენტმა დონალდ ტრამპმა ჩრდილოეთ კორეის ლიდერს კიმ ჩენ ინს პირადი ტელეფონის ნომერი მისცა – მან ამის შესახებ ვაშინგტონში ჟურნალისტებს განუცხადა – Reuters-ი წერს. ტრამპის თქმით, მან ეს გააკეთა იმიტომ, რომ კიმს პირდაპირ აშშ-ს პრეზიდენტთან შეეძლოს დაკავშირება. “ახლა მას შეუძლია დამირეკოს, თუკი რაიმე პრობლემა ექნება, მე კი შემიძლია მას დავურეკო” – განაცხადა ტრამპმა და დაამატა, რომ 17 ივნისს კიმ ჩენ ინთან დარეკვას აპირებს.
მაისში Politico-მ გამოაქვეყნა, რომ აშშ-ს პრეზიდენტი სარგებლობს ტელეფონით, რომელსაც დაცვის თანამედროვე მექანიზმები არა გააჩნია. ერთი წლის წინ ცნობილი გახდა, რომ დონალდ ტრამპმა მსოფლიო ლიდერებს პირადი ნომერი დაურიგა და მათ სთხოვა პირდაპირ მას დაურეკონ.
