ამერიკის შეერთებული შტატების პრეზიდენტმა, დონალდ ტრამპმა განაცხადა, რომ ქვეყანას უკრაინის ომი, ამჟამად, „არაფერი უჯდება“ და მას ამერიკისთვის მოგებაც კი მოაქვს.
„სინამდვილეში, ჩვენ ფულს გამოვიმუშავებთ, განსხვავებით ბაიდენისგან, რომელმაც უბრალოდ გასცა $350 მილიარდი. ახლა მე ამ თანხის დიდი ნაწილი უკან დავაბრუნე, რადგან ჩვენ დავდეთ შეთანხმება იშვიათ მიწის მეტალების მოპოვებაზე. ჩვენ დავაბრუნებთ ამ ფულის დიდ ნაწილს, შესაძლოა მთლიანად, ან იმაზე მეტსაც კი, ვიდრე გავეცით. ახლა კი ისინი გვიხდიან, როდესაც ჩვენ რამეს (იარაღს) ვაგზავნით”, – განაცხადა ტრამპმა.
