აშშ-ს პრეზიდენტობის რესპუბლიკელმა კანდიდატმა და მილიარდელმა დონალდ ტრამპმა აშშ-ს საზღვრები შვეიცარიულ ყველს შეადარა, საიდანაც არალეგალები შედიან – ამის შესახებ მან ტეხასის შტატის ქალაქ ჰიუსტონში გამართულ დებატებზე თქვა – “ეიბისი ნიუსი” ავრცელებს.
“მინიმუმ 11 მილიონი ადამიანი შემოვიდა ქვეყანაში არალეგალურად” – განაცხადა მან და კიდევ ერთხელ დადო კედლის აშენების პირობა, რომელიც ქვეყანას მექსიკის მხრიდან არალეგალური მიგრაციისგან დაიცავს.
ასევე, მისი თქმით, რაც უფრო მეტი მექსიკელი გააკრტიკებს კედელს, მით მაღალი აშენდება ის – “კედელი ამ წამს ათი ფუნტით (0,5 მეტრი) მაღალი გახდა” – თქვა ტრამპმა და მექსიკის ყოფილი პრეზიდენტის ვისენტ ფოქსისგან ბოდიშის მოხდა მოითხოვა, რომელმაც კედლის იდეის შესახებ საუბრისას უცენზურო სიტყვები გამოიყენა და ტრამპს “არანორმალური ეგოცენტრიკი” უწოდა.